Geguritanku

Aja nggersulo

Kabeh kedadeyan iki wis tinakdir dening Gusti

Becik lawan apik

Ala kang bisa gawe lelara

Kabeh sarta piwulang kang kudu digugu

          Wis aja nggersulo

          Apa kang tumiba ing pesthi

          Kudu bisa narima

          Kanti jembaring dhadha

Aja Gampang Kena Godha

Urip iki mung sedela

Ora liya kaya mampir ngombe

Pangkat lan kamulyan kang dadi rebutan

Nanging tan gawa pati

          Mula aja kena godha

          Merga iso gawe sengsara

          Sengsara ruh lan sukmane

          Siksa kang dadi ganjarane

Yen arep urip mulya

Kudu kuat anggone tapa 

Surga lan Neraka

Wus cetha surga lan neraka kuwi ana

Nanging kenapa ora padha percaya

Ora padha wedi

Marang panasing geni

Geni neraka kang dadi siksa

          Tan ana sing peduli

          Leladi marang kanistan

          Manut marang parintah setan

          Merga ora bisa ngempet hawa sanga

Swarga iku nyata ana

Kumpuling para wanita

Kang bisa di apa apa

Kasur babut den cawisi

Apa kang den karepi

Bakal tumuju ana rupa

          Nanging padha wuta

          Wuta manah ira

          Saengga ora bisa mlebu ana ing swarga

 

Panganggit

 Khusnul hamzah (2601412007)